Aleksandr Shevchenko Qytaıdaǵy jarystyń jartylaı fınalyna shyqty

ASTANA. KAZINFORM – Qazaqstandyq tennısshi, álemniń 96-raketkasy Aleksandr Shevchenko Chendý (Qytaı) ATR 250 týrnıriniń jartylaı fınalyna ótti. 

Qazaqstandyq tennısshi shırek fınalda ATP reıtıngisinde 168-orynda turǵan japonııalyq Taro Denıelmen sheberlik baıqasty.

Birinshi partııada qazaqstandyq tennısshi taı-breıkte tabandylyq tanytty - 7:6 (7:2). Ekinshisinde Denıel ese qaıyrdy - 6:3. Úshinshi, sheshýshi sette Shevchenko jeńisti julyp aldy - 6:2.

Eki saǵat 5 mınýtqa sozylǵan tartysty básekede A.Shevchenko 7 eıspen birge 6 breık-poınttyń ekeýin óz esebine jazdy. Japonııalyq sportshy 9 eıs, 1 breıkpen (4 breık-poınt) kózge tústi.

Aleksandr Shevchenko fınalǵa shyǵý úshin álemniń 9-ynshy, osy jarystyń 1-raketkasy, ıtalııalyq Lorentso Mýzettımen sheberlik talastyrady. Ol shırek fınalda reıtıngide 114-satydaǵy grýzııalyq Nıkoloz Basılashvılıdi qapy qaldyrdy – 6:3, 6:3. 

Eske sala keteıik, budan buryn Aleksandr Shevchenkonyń Qytaıdaǵy týrnırdiń shırek fınalyna joldama alǵanyn jazǵan edik. 

Sondaı-aq Aleksandr Býblık Qytaıdaǵy jarysta qarsylasyn kambekpen tize búktirdi.