Aleksandr Shevchenko Qytaıdaǵy týrnırdiń shırek fınalyna shyqty
ASTANA. KAZINFORM — Qazaqstannyń ekinshi, álemniń 111-raketkasy Aleksandr Shevchenko Tszınan (Qytaı) chellendjer týrnırinde ekinshi matchyn jeńispen aıaqtady.
Qazaqstandyq tennısshi ekinshi aınalymda álemdik reıtıngide 260-oryndaǵy japonııalyq Djeı Dılan Hara Frendpen betpe-bet keldi.
Bul qos sportshynyń ózara alǵashqy kezdesýi edi.
Birinshi partııada A.Shevchenko qarsylasyna birde-bir geım bermedi — 6:0.
Ekinshi sette 6:4 esebi tirkeldi.
Bir saǵat 14 mınýtqa sozylǵan básekede Shevchenko 1 eıspen birge 7 breık-poınttyń tórteýin óz esebine jazdy. Japonııalyq tennısshi 2 eıs jasaǵanymen, 3 breık-poıntty paıdalana almady.
Aleksandr Shevchenko álemniń 86-raketkasy, ıtalııalyq Mattıa Belýchchı nemese reıtıngide 207-satydaǵy frantsııalyq Lýka Pavlovıchtiń qaı jeńgenimen talasady.
Eske sala keteıik, budan buryn Aleksandr Shevchenkonyń Qytaıdaǵy týrnırde jarystyń favorıtin jeńgenin jazǵan edik.
Sondaı-aq Anna Danılına Qytaıdaǵy jarysta shırek fınalǵa joldama aldy.
Qytaıdaǵy Ýhan týrnırinde Rybakınanyń reıtıngidegi basty qarsylasy jeńilip qaldy.
