Aleksandr Shevchenko Gambýrg týrnıriniń 1/8 fınalyna ótti

ASTANA. KAZINFORM — Qazaqstannyń ekinshi, álemniń 56-raketkasy Aleksandr Shevchenko Gambýrg (Germanııa) ATP 500 týrnırin jeńispen bastady.

Topyraq tósenishinde ótip jatqan jarysta qazaqstandyq tennısshi alǵashqy aınalymda dúnıejúzilik reıtıngide 197-orynda turǵan germanııalyq Rýdolf Mollekermen synǵa tústi.

Birinshi partııada Shevchenko 6:4 esebimen basym túskenimen, ekinshisinde Molleker ese qaıyrdy — 6:4. 

Úshinshi, sheshýshi sette qazaqstandyq sportshy sátti oınady — 6:4.

Eki saǵat 4 mınýtqa sozylǵan tartysty matchta Shevchenko 10 eıs jasap, 10 breık-poınttyń teń jartysyn múlt jibergen joq.

Molleker 6 eıs, 4 breıkpen (10 breık-poınt) kózge tústi. 

Júlde qory 1,9 mln eýroǵa jýyqtaıtyn dodanyń shırek fınalyna shyǵý úshin A.Shevchenko ıtalııalyqtar, álemniń 35-raketkasy Lýsıano Darderı nemese reıtıngide 52-satydaǵy Lorentso Sonegonyń qaı jeńgenimen talasady. 

Eske sala keteıik, budan buryn Tımofeı Skatovtyń Shvetsııada negizgi jarysqa joldama alǵanyn jazǵan bolatynbyz.

Sondaı-aq Denıs Evseev Shvetsııadaǵy týrnırde kambek jasap, jeńiske jetti.