Aleksandr Shevchenko Frantsııadaǵy jarystyń shırek fınalyna shyqty

ASTANA. KAZINFORM - Qazaqstannyń ekinshi, álemniń 97-raketkasy Aleksandr Shevchenko Bordo (Frantsııa) chellendjer týrnıriniń shırek fınalyna joldama aldy.

Qazaqstandyq tennısshi ekinshi aınalymda dúnıejúzilik reıtıngide 176-orynda turǵan frantsııalyq Kalvın Emerıdiń mysyn basty.

Match 6:3, 6:4 esebimen aıaqtaldy.

Bir saǵat 18 mınýtqa sozylǵan báseke barysynda Shevchenko 6 eıspen birge 5 breık-poınttyń ekeýin paıdalandy. Emerı 5 eıspen shekteldi.

Aleksandr Shevchenkonyń kelesi qarsylasy keıin anyqtalady.

Taǵy bir qazaqstandyq, reıtıngide 165-oryndaǵy Mıhaıl Kýkýshkın álemniń 29-raketkasy, amerıkalyq Brendon Nakasımaǵa jol berdi - 3:6, 5:7.

Eske sala keteıik, budan buryn Mıhaıl Kýkýshkınniń Frantsııadaǵy týrnırde reseılik tennısshiden basym túskenin jazǵan bolatynbyz.