Aleksandr Shevchenko Býharest týrnıriniń ekinshi aınalymyna shyqty

ASTANA. KAZINFORM – Qazaqstannyń ekinshi, álemniń 76-raketkasy Aleksandr Shevchenko Býharest (Rýmynııa) ATR 250 týrnırin jeńispen bastady.

Qazaqstandyq tennısshi bastapqy kezdesýin reıtıngide 659-oryndaǵy rýmynılyq, 20 jastaǵy Radý Týrkanýmen ótkizdi.

Shevchenko qarsylasyn 6:2, 6:4 esebimen tize búktirdi.

Bir saǵat 16 mınýtqa sozylǵan oıynda A.Shevchenko 2 eıspen birge 9 breık-poınttyń tórteýin paıdalandy. Týrkaný 2 eıs, 1 breıkpen (2 breık-poınt) shekteldi.

Aleksandr Shevchenko shırek fınalǵa shyǵý úshin álemniń 62-raketkasy, nıderlandylyq Botık van de Zandshýlp nemese reıtıngide 114-satydaǵy ıtalııalyq Franchesko Maestrellıdiń qaı jeńgenimen talasady.

Ótken jyly A.Shevchenko Býhareste alǵashqy aınalymnan asa almaǵan edi.

Eske sala keteıik, budan buryn ıÝlııa Pýtıntsevanyń Charlston týrnırinde ekinshi aınalymda álemniń 5-raketkasymen oınaıtynyn jazǵan edik.

Sondaı-aq Beıbit Juqaev Meksıkadaǵy jarysta tartysty matchta jeńiske jetti.