Aleksandr Shevchenko Aýstralııa ashyq chempıonatynyń ekinshi aınalymyna shyqty

ASTANA. KAZINFORM – Qazaqstannyń ekinshi, álemniń 104-raketkasy Aleksandr Shevchenko Aýstralııa ashyq chempıonatyn sátti bastady.

Qazaqstandyq tennısshi jarysqa irikteý saıystarynan keıin qosylǵan, reıtıngide 175-oryndaǵy shvetsııalyq Elıas Imermen ótkizdi.

Matchty shvetsııalyq sportshy jaqsy bastady – 6:3. Degenmen budan keıin Shevchenko oıyn tizginin qolyna alyp, kambek jasaı aldy – 7:5, 6:4, 6:1.

Úsh saǵat 23 mınýtqa sozylǵan tartysty básekede Shevchenko 9 eıspen birge 11 breık-poınttyń beseýin paıdaǵa asyrdy. Imer 1 eıs, 2 breıkpen (11 breık-poınt) shekteldi.

Aleksandr Shevchenko úshinshi aınalymǵa shyǵý úshin amerıkalyqtar, álemniń 29-raketkasy Lerner Tıen nemese reıtıngide 51-satydaǵy Markos Hıronnyń qaı jeńgenimen talasady.

Eske sala keteıik, budan buryn Aleksandr Býblıktiń Aýstralııa ashyq chempıonatyn jeńispen bastaǵanyn jazǵan edik.

Sondaı-aq 14 jastaǵy qazaqstandyq tennısshi Dýbaıdaǵy jarysta úzdik shyqty.