Aleksandr Shevchenko AQSh-taǵy týrnırdiń shırek fınalyna ótti

ASTANA. KAZINFORM - Qazaqstannyń ekinshi, álemniń 102-raketkasy Aleksandr Shevchenko Samter (AQSh) chellendjer týrnıriniń shırek fınalyna shyqty.

Qazaqstandyq tennısshi ekinshi aınalymda reıtıngide 208-oryndaǵy japonııalyq Sho Shımabýkýronyń mysyn basty.

Kezdesý 6:3, 6:3 esebimen aıaqtaldy.

Aleksandr Shevchenko jartylaı fınalǵa ótý úshin álemniń 112-raketkasy, grýzııalyq Nıkoloz Basılashvılımen talasady.

Taǵy bir qazaqstandyq, reıtıngide 206-oryndaǵy Beıbit Juqaev Kankýn (Meksıka) chellendjer jarysynyń alǵashqy aınalymynda sensatsııa jasap, álemniń 97-inshi, osy týrnırdiń 5-raketkasy, aýstralııalyq Trıstan Skýlkeıtti 6:4, 7:6 (9:7) esebimen utty. Tartysty báseke 2 saǵat 8 mınýtqa sozyldy. Beıbitke izinshe ekinshi match ótkizýine týra keldi. Bul joly ol álemniń 140-raketkasy, perýlik Ignasıo Býsege ese jiberdi - 3:6, 6:7 (4:7). Osylaısha, dodany irikteý saıystarynan bastaǵan Beıbit Juqaev shırek fınaldan shet qaldy.

Eske sala keteıik, budan buryn Tımofeı Skatovtyń Italııadaǵy jarystyń jartylaı fınalyna shyqqanyn jazǵan bolatynbyz.