Aleksandr Shevchenko Adelaıda týrnırinde ekinshi jeńisine qol jetkizdi

ASTANA. KAZINFORM — Qazaqstannyń ekinshi, álemniń 106-raketkasy Aleksandr Shevchenko Adelaıda (Aýstralııa) ATP 250 týrnırinde negizgi jarysqa ótti.

Qazaqstandyq tennısshi irikteý saıystarynyń fınalynda álemniń 79-raketkasy, aýstrııalyq Fılıp Mısolıchtiń meselin qaıyrdy.

Birinshi partııada Shevchenko 7:5 esebimen basym tústi. Ol ekinshi setti de óz esebine jazdy — 6:3.

Bir saǵat 26 mınýtqa sozylǵan básekede A.Shevchenko 6 eıspen birge 7 breık-poınttyń úsheýin qur jibergen joq. Mısolıch 1 breıkpen (3 breık-poınt) shekteldi.

Osylaısha, Aleksandr Shevchenko Adelaıdada negizgi dodaǵa joldama aldy.
Taǵy bir qazaqstandyq, reıtıngide 221-oryndaǵy Dmıtrıı Popko Aýstralııa ashyq birinshiliginiń

irikteý dodasynda óner kórsetedi. Ol bastapqy kezdesýin álemniń 112-raketkasy, amerıkalyq Makkenzı Makdonaldpen ótkizedi.

 Eske sala keteıik, budan buryn Aleksandr Býblıktiń Gonkong týrnırinde top jarǵanyn jazǵan edik.

Sondaı-aq Aleksandr Býblık jańa maýsymnyń sátti bastalǵanyn aıtty.