Aleksandr Nedovesov Shvetsııadaǵy týrnırdiń shırek fınalyna ótti
ORAL. QazAqparat – Qazaqstannyń juptyq syndaǵy birinshi, álemniń 53-raketkasy Aleksandr Nedovesov Bastad (Shvetsııa) ATP 250 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi ekvadorlyq Gonsalo Eskobarmen birge bastapqy kezdesýin kort ıeleri Leo Borg – Sımon Froındpen ótkizdi.
Birinshi partııada qazaqstandyq-ekvadorlyq dýettiń basymdylyǵy anyq baıqaldy – 6:1.
Tartystylaý órbigen ekinshi sette esep 5:3 bolǵan mezette jańbyrǵa baılanysty match toqtatylyp, keıin qaıta jalǵasty. Nedovesov pen Eskobar 6:4 esebimen jeńiske jetti. Olar bir saǵattan astam ýaqytqa sozylǵan báseke barysynda 7 breık-poınttyń úsheýin paıdalandy.
A.Nedovesov – G.Eskobar júlde qory 630,7 myń eýroǵa baǵalanǵan jarystyń jartylaı fınalyna shyǵý úshin dodanyń 2-raketkalary, belgııalyqtar Ioran Flıgen – Sander Jılle nemese serbııalyqtar Nıkola Kachıch – Dýshan Laıovıch juptarynyń qaı jeńgenimen talasady.
Bastadta jekeleı synda qazaqstandyq, álemniń 134-raketkasy Tımofeı Skatov irikteý saıystarynan óte almady. Ol áýeli otandasy Denıs Evseevti 6:1, 6:3 esebimen joldan taıdyrdy. Biraq sodan soń bolıvııalyq Ýgo Delenge ese jiberdi – 5:7, 6:3, 3:6.
Eske sala keteıik, budan buryn Jibek Qulambaevanyń álemdik reıtıngte joǵary kóterilgenin jazǵan bolatynbyz.
Sondaı-aq qazaqstandyq tennısshiler álemdik reıtıngtegi kórsetkishterin jaqsartty.
Astanada Prezıdent kýbogi úshin tennısten halyqaralyq týrnır ótedi.
