Aleksandr Nedovesov Shtýtgartta Aýstralııa ashyq chempıonatynyń eki jeńimpazyn utty
NUR-SULTAN. QazAqparat – Qazaqstandyq Aleksandr Nedovesov juptyq synda Shtýtgart (Germanııa) ATP 250 týrnıriniń shırek fınalyna shyqty, dep habarlaıdy QazAqparat tilshisi.
A.Nedovesov pákistandyq Aısam Kýreshımen birge bastapqy kezdesýin jarystyń ekinshi raketkalary, aýstralııalyq Djon Pırs – slovakııalyq Fılıpp Polashekpen ótkizdi.
Qazaqstandyq-pákistandyq jup 7:6 (7:2), 6:4 esebimen jeńiske jetti. Olar 1 saǵat 20 mınýtqa sozylǵan match barysynda 9 eıs jasap, 5 breık-poınttyń bireýin paıdalandy.
D.Pırs 2017 jyly juptyq synda Aýstralııa ashyq chempıonatynyń jeńimpazy atansa, F.Polashek ótken jyly dál osy «Úlken dýlyǵa» jarysynda ozyp shyqqan edi.
A.Nedovesov pen A.Kýreshı júlde qory 770 myń eýroǵa jýyqtaıtyn dodanyń jartylaı fınalyna shyǵý úshin kanadalyq Denıs Shapovalov – úndistandyq Rohan Bopannamen talasady.
Eske sala keteıik, budan buryn Elena Rybakına men Aleksandr Býblıktiń Eýropadaǵy týrnırlerdi sátti bastaǵanyn jazǵan bolatynbyz.
