Aleksandr Nedovesov Istbýrnda jartylaı fınalǵa shyǵa almady

ASTANA. QazAqparat – Qazaqstannyń juptyq syndaǵy –birinshi, álemniń 51-raketkasy Aleksandr Nedovesov Ulybrıtanııadaǵy Istbýrn ATP 250 týrnıriniń jartylaı fınalyna shyǵa almady, dep habarlaıdy QazAqparat tilshisi.

Qazaqstandyq tennısshi ekvadorlyq Gonsalo Eskobarmen birge shırek fınalda jarystyń 4-raketkalary, horvatııalyqtar Nıkola Mektıch – Mate Pavıchpen sheberlik baıqasty.

Birinshi partııada breıkpen alǵa shyqqan horvatııalyq jup sol basymdylyǵyn joǵaltqan joq – 6:4.

Ekinshi sette de osy jaǵdaı qaıtalandy – 6:4.

Bir saǵattan astam ýaqytqa sozylǵan báseke barysynda A.Nedovesov pen G.Eskobar 2 eıspen ǵana shekteldi. Qarsylastary 3 eıs jasap, 4 breık-poınttyń ekeýin paıdalandy.

A.Nedovesov endi Ýımbldon dodasynda baq synaıdy.

Eske sala keteıik, budan buryn Aleksandr Nedovesovtiń Istbýrndaǵy jarystyń shırek fınalyna ótkenin jazǵan bolatynbyz.

Sondaı-aq Elena Rybakına Ýımbldonda chempıondyq ataǵyn úshinshi raketka bolyp qorǵaıdy.