Aleksandr Nedovesov Ispanııadaǵy týrnırdiń chempıony atandy
ASTANA. KAZINFORM - Qazaqstannyń juptyq syndaǵy birinshi, álemniń 4-raketkasy Aleksandr Nedovesov Jırona (Ispanııa) chellendjer týrnıriniń chempıony atandy.
Jarystyń 1-raketkalary bolyp tirkelgen qazaqstandyq tennısshi ekvadorlyq Gonsalo Eskobarmen birge fınalda frantsııalyqtar Honatan Eısserık - Albano Olıvettımen chempıondyq ataqty sarapqa saldy.
Qazaqstandyq-ekvadorlyq jup qarsylastaryn 7:6 (7:1), 6:4 esebimen tize búktirdi.
Bir saǵat 43 mınýtqa sozylǵan báseke barysynda Nedovesov - Eskobar 3 breık-poınttyń bireýin paıdalandy. Frantsııalyq dýet 3 eıspen kózge tústi.
Osylaısha, Aleksandr Nedovesov óziniń sporttyq jolynda chellendjer sanatyndaǵy dodalarda 28-inshi tıtýlyna qol jetkizse, sonyń 25-i - juptyq synda.
Eske sala keteıik, budan buryn Aleksandr Nedovesovtiń Ispanııadaǵy jarystyń fınalyna shyqqanyn jazǵan bolatynbyz.
