Aleksandr Nedovesov Horvatııadaǵy jarystyń shırek fınalyna shyqty
ASTANA. QazAqparat – Qazaqstannyń juptyq syndaǵy birinshi, álemniń 45-raketkasy Aleksandr Nedovesov Ýmag (Horvatııa) ATP 250 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi ekvadorlyq Gonsalo Eskobarmen birge bastapqy matchyn jarystyń 4-raketkalary, ýrýgvaılyq Arıel Behar – chehııalyq Adam Pavlashekpen ótkizdi.
Birinshi partııada qazaqstandyq-ekvadorlyq jup 6:3 esebimen basym tússe, ekinshisinde A.Behar – A.Pavlashek ese qaıyrdy – 6:4.
Sýper taı-breıkte A.Nedovesov – G.Eskobar aıqyn basymdylyq tanytty – 10:3. Bir saǵat 24 mınýtqa sozylǵan báseke barysynda olar 4 eıs jasap, 3 breık-poınttyń bireýin qur jibermedi.
Ýrýgvaılyq-chehııalyq dýet te 4 eıs, 1 breıkpen (5 breık-poınt) kózge tústi.
Aleksandr Nedovesov pen Gonsalo Eskobardyń shırek fınaldaǵy keıin anyqtalady.
Eske sala keteıik, budan buryn Anna Danılınanyń Gambýrg týrnıriniń jartylaı fınalyna joldama alǵanyn jazǵan bolatynbyz.
Sondaı-aq tennısten Prezıdent kýboginde Mıhaıl Kýkýshkın shırek fınalǵa shyqty.
