Aleksandr Nedovesov Býharest týrnıriniń shırek fınalyna shyqty

BÝHAREST. KAZINFORM — Qazaqstannyń juptyq syndaǵy birinshi, álemniń 39-raketkasy Aleksandr Nedovesov Býharest (Rýmynııa) ATP 250 týrnıriniń shırek fınalyna shyqty.

Bul joly portýgalııalyq Fransıský Kabralmen juptasqan qazaqstandyq tennısshi serbııalyqtar Nıkola Kachıch – Mıomır Ketsmanovıchpen bastapqy kezdesýin sátti ótkizdi.

Qazaqstandyq-portýgalııalyq jup bir saǵattan astam ýaqytqa sozylǵan básekede 6:3, 6:3 esebimen jeńiske jetti. Olar 1 eıspen birge 7 breık-poınttyń tórteýin múlt jibermedi. Serbııalyq dýet 3 breık-poınttyń bireýin ǵana paıdalandy.

A.Nedovesov – F.Kabraldyń shırek fınaldaǵy qarsylastary keıin anyqtalady. 

Eske sala keteıik, budan buryn Elena Rybakınanyń Shtýtgart týrnırindegi qarsylasy anyqtalǵanyn jazǵan edik. 

Dıas Dosqaraev tennısshilerimizdiń tabysy áli alda ekenin aıtty.