Aleksandr Nedovesov Brısben týrnıriniń shırek fınalyna joldama aldy
Qazaqstannyń juptyq syndaǵy birinshi, álemniń 45-raketkasy Aleksandr Nedovesov Brısben (Aýstralııa) ATP 250 týrnıriniń shırek fınalyna shyqty, dep habarlaıdy Kazinform.
Atalmysh jarysta A.Nedovesov ekvadorlyq Gonsalo Eskobarmen birge 7-raketka bolyp tirkelip, dodany ekinshi aınalymnan bastaýy kerek edi.
Olardyń qarsylasy reseılikter Roman Safıýllın men Aslan Karatsev bolatyn.
Osy týrnırde A.Karatsev jekeleı syndaǵy matchta tizesinen jaraqat alyp qaldy.
Sol sebepti endi ol dodaǵa qatysa almaıdy.
Osylaısha, A.Nedovesov — G.Eskobar oınamastan shırek fınalǵa joldama aldy. Olardyń shırek fınaldaǵy qarsylastary keıin anyqtalady.
Eske sala keteıik, budan buryn Anna Danılınanyń Jańa Zelandııadaǵy jarystyń jartylaı fınalyna shyqqanyn jazǵan bolatynbyz.
