Aleksandr Nedovesov Bolgarııadaǵy jarystyń jartylaı fınalyna shyqty

Qazaqstannyń juptyq syndaǵy birinshi, álemniń 49-raketkasy Aleksandr Nedovesov Sofııa (Bolgarııa) ATP 250 týrnıriniń jartylaı fınalyna shyqty, dep habarlaıdy Kazinform.

Qazaqstandyq tennısshi ekvadorlyq Gonsalo Eskobarmen birge shırek fınalda bolgarııalyqtar ıAnakı Mılev – Petr Nesterovpen kezdesti.

Birinshi partııada bolgarııalyq jup 6:4 esebimen basym tústi.

Esesine ekinshi sette qazaqstandyq-ekvadorlyq dýet qarymta qaıyrdy – 6:3. Sodan keıin sýper taı-breıkte jeńisti julyp aldy – 10:5.

Saǵat jarymǵa jýyq ýaqytqa sozylǵan báseke barysynda eki jup ta 2 eıs, 2 breıkpen kózge tústi.

Aleksandr Nedovesov – Gonsalo Eskobar fınalǵa shyǵý úshin taǵy bir qazaqstandyq Andreı Golýbev – ýkraınalyq Denıs Molchanov jáne aýstralııalyqtar Djon Patrık Smıt – Maks Persell juptarynyń qaı jeńgenimen talasady.

Eske sala keteıik, budan buryn tennısten álem chempıonatynda Aýstralııamen matchta ıÝlııa Pýtıntsevanyń tarazy basyn teńestirgenin jazǵan bolatynbyz.