Aleksandr Nedovesov Bolgarııadaǵy jarystyń shırek fınalyna joldama aldy

Qazaqstannyń juptyq syndaǵy birinshi, álemniń 49-raketkasy Aleksandr Nedovesov Sofııa (Bolgarııa) ATP 250 týrnıriniń shırek fınalyna joldama aldy, dep habarlaıdy Kazinform. 

Qazaqstandyq tennısshi ekvadorlyq Gonsalo Eskobarmen birge alǵashqy aınalymda jarystyń 4-raketkalary, aýstrııalyqtar Aleksandr Erler – Lýkas Mıdlermen kortqa shyqty.

Qazaqstandyq-ekvadorlyq jup 7:5, 6:2 esebimen jeńiske jetti. Bir saǵattan astam ýaqytqa sozylǵan báseke barysynda olar 3 eıs, 3 breıkpen kózge tústi.

Aleksandr Nedovesov – Gonsalo Eskobar jartylaı fınalǵa shyǵý úshin bolgarııalyqtar ıAnakı Mılev – Petr Nesterovpen sheberlik talastyrady.

Taǵy bir qazaqstandyq Andreı Golýbev ýkraınalyq Denıs Molchanovpen birge shırek fınalda aýstralııalyqtar Djon Patrık Smıt – Maks Perselden ótýge tyrysady.

Eske sala keteıik, budan buryn ataqty tennısshiniń Qazaqstan quramasyna aq jol tilegenin jazǵan bolatynbyz.

Sondaı-aq Denıs Evseev Helsınkı týrnıriniń ekinshi aınalymyna ótti.