Aleksandr Nedovesov Bolgarııadaǵy týrnırdiń fınalyna shyqty

Qazaqstannyń juptyq syndaǵy birinshi, álemniń 49-raketkasy Aleksandr Nedovesov Sofııa (Bolgarııa) ATP 250 týrnıriniń fınalyna shyqty, dep habarlaıdy Kazinform.

Qazaqstandyq tennısshi ekvadorlyq Gonsalo Eskobarmen birge jartylaı fınalda aýstralııalyqtar Djon Patrık Smıt – Maks Perselmen synǵa tústi.

Aýstralııalyq dýet shırek fınalda taǵy bir qazaqstandyq Andreı Golýbev – ýkraınalyq Denıs Molchanovty súrindirgen edi.

Bul joly birinshi partııada qazaqstandyq-ekvadorlyq jup 6:3 esebimen basym tústi.
Ekinshi sette de olar 2:0 esebimen alǵa ketti. Aqyry matchty jeńispen túıindedi – 6:2.
Bir saǵattan astam ýaqytqa sozylǵan báseke barysynda Aleksandr Nedovesov – Gonsalo Eskobar 3 eıs jasap, 7 breık-poınttyń úsheýin múlt jibergen joq.

A.Nedovesov – G.Eskobar fınalda jarystyń 3-raketalary, ulybrıtanııalyq Djýlıan Kesh – horvatııalyq Nıkola Mektıchpen bas júldeni sarapqa salady.

Eske sala keteıik, budan buryn tennısten álem chempıonatynda Qazaqstan quramasynyń Aýstralııaǵa jol bergenin jazǵan bolatynbyz.