Aleksandr Nedovesov Aýstrııadaǵy jarystyń fınalynda jeńilis tapty
ASTANA. QazAqparat – Qazaqstannyń juptyq syndaǵy birinshi, álemniń 45-raketkasy Aleksandr Nedovesov Kıtsbıýel (Aýstrııa) ATP 250 týrnıriniń fınalynda jeńilis tapty, dep habarlaıdy QazAqparat tilshisi.
Qazaqstandyq sportshy ekvadorlyq Gonsalo Eskobarmen birge sońǵy básekede jarystyń 1-raketkalary, aýstrııalyqtar Aleksandr Erler – Lýkas Mıdlermen kezdesti.
Aýstrııalyq dýet 6:4, 6:4 esebimen jeńiske jetip, chempıondyq tuǵyrǵa kóterildi.
Bir saǵat 20 mınýtqa sozylǵan báseke barysynda Nedovesov pen Eskobar 5 eıs jasap, ókinishke qaraı, 3 breık-poıntty paıdalana almady. Qarsylastaryna 3 eıs, 2 breık (12 breık-poınt) jetkilikti boldy.
Qazirgi kezde A.Nedovesov álemdik reıtıngide 45-ten bir saty joǵarylap tur.
Eske sala keteıik, budan buryn Elena Rybakına men ıÝlııa Pýtıntsevanyń Monreal masters týrnırinde baq synaıtynyn jazǵan bolatynbyz.
Sondaı-aq Aleksandr Býblıktiń Toronto masters týrnırindegi qarsylasy belgili boldy.
