Aleksandr Nedovesov Astana týrnıriniń shırek fınalyna shyqty
Qazaqstannyń juptyq syndaǵy birinshi raketkasy Aleksandr Nedovesov Astana ATP 250 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi ekvadorlyq Gonsalo Eskobarmen birge bastapqy kezdesýin argentınalyq Sebastıan Baes - ıspanııalyq Bernabe Sapata Mıralespen ótkizdi.
Qazaqstandyq-ekvadorlyq jup 6:3, 6:2 esebimen jeńiske jetti.
Aleksandr Nedovesov pen Gonsalo Eskobardyń shırek fınaldaǵy qarsylastary keıin anyqtalady.
A.Nedovesov oıynnan keıin suhbatynda Devıs kýboginiń pleı-off kezeńinde Bolgarııamen ótken matchtan soń Qytaıdaǵy birneshe jarysqa qatyspaǵanyn aıtty.
"Men Astana jarysyna durystap daıyndalýdy jón kórdim. Mundaǵy korttardy jaqsy bilemin, sondyqtan tez beıimdeldim. Men árdaıym joǵary maqsat qoıamyn. Onyń ústine óz elińde oınaý - úlken jaýapkershilik. Bıyl munda myqty tennısshiler jınalǵan. Horvatııalyq Mate Pavıch men ulybrıtanııalyq Djeımı Marreıdi erekshe ataýǵa bolady. Pavıch bıyl juptyq synda jáne mıkste alty, al Marreı jeti ret chempıon atanǵan. Osyndaı básekelestik bolǵan soń baryńdy salýǵa týra keledi", dedi qazaqstandyq tennısshi.
