Aleksandr Nedovesov AQSh-taǵy týrnırdiń shırek fınalyna shyqty

ASTANA. KAZINFORM – Qazaqstannyń juptyq syndaǵy birinshi, álemniń 56-raketkasy Aleksandr Nedovesov Ýınston-Seılem (AQSh) ATP 250 týrnıriniń shırek fınalyna joldama aldy. 

Qazaqstandyq tennısshi ekvadorlyq Gonsalo Eskobarmen birge alǵashqy aınalymda kútpegen jerden jarystyń 2-raketkalary, nıderlandtyq Ýes Kolhof – horvatııalyq Nıkola Mektıchti jeńip ketti.

Tartysty ótken kezdesý 7:6 (7:1), 6:7 (4:7), 11:9 esebimen Nedovesov – Eskobardyń paıdasyna aıaqtaldy. Eki saǵatqa jýyq ýaqytqa sozylǵan báseke barysynda qazaqstandyq-ekvadorlyq jup 3 eıs jasap, 4 breık-poınttyń bireýin ǵana paıdalandy. Nıderlandtyq-horvatııalyq dýet 4 eıs, 1 breıkpen (6 breık-poınt) shekteldi.

Aleksandr Nedovesov – Gonsalo Eskobar jartylaı fınalǵa shyǵý úshin ulybrıtanııalyq Lýka Paý – úndistandyq Dhakshınesvar Sýreshpen talasady.

Qazaqstandyqtar Mıhaıl Kýkýshkın men Dmıtrıı Popko US Open irikteý týrnıriniń alǵashqy satysynda jeńilip qaldy. Kýkýshkın úsh saǵatqa sozylǵan matchta argentınalyq Marko Trýngellıtıge ese jiberdi – 6:1, 4:6, 6:7 (6:10). Al, Popko taǵy bir argentınalyq Tıago Agýstın Tırantege jol berdi – 6:3, 1:6, 2:6.

Eske sala keteıik, budan buryn US Open irikteý týrnırinde Denıs Evseevtiń qarsylasyn oısyrata jeńgenin jazǵan bolatynbyz.