Aleksandr Mýhın Beıjiń olımpıadasyn júldesiz aıaqtady

NUR-SULTAN. QazAqparat - Búgin Beıjiń Olımpıadasynda bıatlonnan erler arasynda 12,5 shaqyrymdyq iz kesý jarystary aıaqtaldy, dep habarlaıdy QazAqparat tilshisi.

Atalǵan baǵdarlamada Qazaqstan namysyn Aleksandr Mýhın qorǵady. Ókinishke qaraı otandasymyz jarysty 57-shi bolyp aıaqtady. Bul Mýhınniń Beıjiń Olımpıadasyndaǵy sońǵy múmkindigi, ıaǵnı sońǵy jarysy edi. Alaıda ol úzdikter qatarynan kórine almady.

Bul synda Frantsýz bıatlonshysy Kventın Fııon Meıle bas júldeni qanjyǵasyna baılasa, kúmis medalǵa norvegııalyq Tardjeı Boe qol jetkizdi. Úzdik úshtikti reseılik Edýard Latypov jeńip aldy.

Bıatlon. Іzdeý, 12,5 km. Erler

1. Kventın Fııon Meıle (Frantsııa) - 39.07.15

2. Tardjeı Boe (Norvegııa) +28,6

3. Edýard Latypov (Reseı) +35,3

...57. Aleksandr Mýhın (Qazaqstan) + 8:37,5