Aleksandr Mokın Qazaqstan chempıonatynyń úzdik qaqpashysy atandy
NUR-SULTAN. QazAqparat – Qostanaıdyń «Tobylynda» oınaıtyn Aleksandr Mokın fýtboldan QR chempıonatynyń rekordyn jańartty, dep habarlaıdy QazAqparat tilshisi.
«Tobyl» qaqpashysy osy maýsymda qaqpasyna gol jibermegenderdiń tizimin bastady. Aleksandr Mokın on úsh kezdesýdiń onynda qaqpasyn «qurǵaq» ustaǵan. Endigi jyly 40 jasqa tolatyn Aleksandr «Tobyldyń» osy jyldaǵy negizgi qaqpashysy boldy.
Úzdik qaqpashylardyń ekinshi orynynda «Taraz» oıynshysy Muhamedjan Seısen tur. Ol 6 oıynda gol jibermegen. Úzdik úshtikti «Qaırattyń» qaqpashysy Stas Pokatılov qorytyndylady. Sondaı-aq 6 kezdesýdi golsyz ótkizgenderdiń qatarynda qyzylordalyq Aleksandr Zarýtskıı men Mıroslav Lobantsev («Qyzyl-Jar») bar.
Aıta keteıik, QR chempıonatynyń 2019 jylǵy úzdik qaqpashysy Emıl Balaev bolǵan edi.
