Aleksandr Marochkın ulttyq qurama sapyndaǵy mansabyn aıaqtady
ASTANA. KAZINFORM — Qorǵaýshy Aleksandr Marochkın fýtboldan Qazaqstan quramasy sapyndaǵy mansabyn aıaqtaǵanyn málimdedi.
Bul jóninde ol 2026 jylǵy álem chempıonaty irikteý kezeńindegi quramanyń Lıhtenshteınmen kezdesýinen keıin Qazaqstan fýtbol federatsııasyna bergen suhbatynda málim etti.
— Búgingi oıyn ońaıǵa soqqan joq. Biz úshin jeńis óte qajet boldy. Upaı joǵaltqymyz kelmedi. Jankúıerler ony kútti. Jyldam gol soǵýǵa tyrystyq. Asyǵystyq baıqaldy. Qatelikterge jol berdik. Eki gol soǵýǵa múmkindik týdy. Odan keıin dopty baqylaýda ustaı bildik. Bul oıynda biz jeńiske jettik. Maǵan Maksım Samorodov nátıjeli pas shyǵaryp berdi. Ony golǵa aınaldyrǵanyma qýanyshtymyn. Aıta ketsek, atalǵan kezdesý men úshin ulttyq quramadaǵy sońǵy oıyn retinde erekshelendi, — dedi Aleksandr Marochkın.
Aleksandr Marochkın 1990 jyly 14 shildede dúnıege kelgen. Ulttyq qurama sapynda 50 oıynda bir goldyń avtory atandy.
Óz mansabynda ol 2012 jyldan beri qazaqstandyq klýbtarda oıyn kórsetip keledi. 2023 jyldan bastap elordalyq «Astana» namysyn qorǵap júr.
Eske salsaq, fýtboldan Qazaqstan quramasy 2026 jylǵy álem chempıonaty irikteý kezeńindegi ekinshi kezedsýinde Lıhtenshteınnen basym tústi.