Aleksandr Lýkashenko Nursultan Nazarbaevpen kóp jylǵy dostyǵyn joǵary baǵalaıtynyn aıtty

ASTANA. QazAqparat - Nursultan Nazarbaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti, dep habarlaıdy Aqorda.

Aleksandr Lýkashenko Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshim qabyldaýyna oraı shynaıy qımastyq nıetin bildirdi.

Aleksandr Lýkashenko Nursultan Nazarbaevpen kóp jylǵy dostyǵyn jáne Qazaqstan men Belarýs arasynda ornaǵan tatý-tátti qarym-qatynastardy joǵary baǵalaıtynyn atap ótti.

Eki el kóshbasshylary aldaǵy ýaqytta turaqty baılanystaryn jalǵastyra berýge ýaǵdalasty.