Aleksandr Lýkashenko Kazinform agenttigine eksklıýzıvti suhbat berdi
ASTANA. KAZINFORM – Belarýs Respýblıkasynyń Prezıdenti Aleksandr Lýkashenko elordada ótetin Shanhaı yntymaqtastyq uıymynyń sammıti qarsańynda Kazinform agenttigine eksklıýzıvti suhbat berdi.
Suhbat barysynda ShYU-nyń áleýeti, Uıymǵa múshelik etýdiń Belarýs Respýblıkasyna beretin múmkindikteri, jahandyq jáne azyq-túlik qaýipsizdigi, sondaı-aq Qazaqstanmen yntymaqtastyq jaıy sóz bolady.
Aıta keteıik, Belarýs Respýblıkasy ShYU-ǵa 2010 jyldan beri qatysyp keledi. Bastapqyda dıalog boıynsha áriptes boldy, keıin baqylaýshy mártebesin aldy. Astana sammıti aıasynda Uıymǵa tolyqqandy múshe retinde qosylady. Bul týraly ShYU Bas hatshysy Chjan Mın Tashkentte ótken Shanhaı yntymaqtastyq uıymynyń «Jańa jaǵdaıdaǵy ShYU róli: jalpyǵa birdeı qaýipsizdik, turaqtylyq jáne órkendeý jolyndaǵy kúsh-jigerdi biriktirý» forýmynda aıtqan bolatyn.
Eske salsaq, 3-4 shilde kúnderi Astanada Shanhaı yntymaqtastyq uıymynyń sammıti ótedi. Jıynda ShYU-ǵa múshe memleketter basshylary saıası, saýda-ekonomıkalyq jáne mádenı-gýmanıtarlyq salalardaǵy yqpaldastyqtyń kóptegen ózekti máselesin qarastyrady.
Astana sammıtinen bastap Shanhaı yntymaqtastyq uıymy tolyqqandy «Shanhaı ondyǵy» formatynda jumys isteıdi. Bul týraly Qytaıdyń Sınhýa aqparat agenttigine suhbat bergen Memleket basshysy Qasym-Jomart Toqaev aıtty.
