Aleksandr Lýkashenko Qasym-Jomart Toqaevty týǵan kúnimen quttyqtady

ASTANA. KAZINFORM – Aleksandr Lýkashenko QR Prezıdenti Qasym-Jomart Toqaevtyń týǵan kúnine oraı quttyqtaý jedelhatyn joldady, dep habarlaıdy Belarýs basshysynyń baspasóz qyzmeti.

— Búgingi tańda sizdiń bilikti basshylyǵyńyzdyń arqasynda dos memleket — Qazaqstan turaqty ekonomıkalyq ósim men saıası júıeni keshendi jańǵyrtý baǵytyndaǵy jumysty jemisti atqaryp jatyr. Odan bólek, jahandyq kún tártibindegi máselelerde Astananyń úlesi artyp kele jatqanyn kórip otyrmyz, - delingen quttyqtaý mátininde.

Sondaı-aq ol Mınskide eki el arasyndaǵy dostyqqa jáne ózara senimge qurylǵan tatý qarym-qatynas joǵary baǵalanatynyn, osy baılanystyń odan ári bekı túsýine asa mán beriletinin atap ótti.

— Qazaqstan men Belarýstiń kópformatty qarym-qatynasyna tán ózara senim men teńdik qaǵıdaty ekijaqty áriptestik irgetasyn budan da berik qyla túedi dep senemin, - dep atap ótken Aleksandr Lýkashenko.

Osyǵan deıin Memleket basshysyn týǵan kúnimen Vladımır Pýtın quttyqtaǵan bolatyn.