Aleksandr Lýkashenko: Kalınıngrad - belarýs jeri. Ony qaıtarý kerek!

ASTANA. 18 qazan. QazAqparat - Belarýs prezıdenti Aleksandr Lýkashenko Reseı Federatsııasy quramyndaǵy Kalınıngrad oblysynyń aýmaǵyn ejelden belarýstardyń jeri dep esepteıdi. Bul týraly «Egemen Qazaqstan» basylymy «Interfaks» agenttigine silteme jasap habarlady.

Agenttik tilshisiniń málimetine qaraǵanda, belarýs batkasy endi bul oblysty qaıtaryp alýǵa qarsy emes. Munda ol aýyl sharýashylyǵy bıznesin damytqan bolar edi.

«Men Kalınıngrad oblysyn bizge qaıtaryńdar degendi jıi aıtyp kelemin, - dedi Lýkashenko. - Biz ondaǵy árbir sotyq jerdi, árbir gektar jerdi jyrtyp, egin egip, ol ólkeni gúldeı jaınatar edik».

«Men bul jerlerdi qýana qabyldap alar edim», - dedi ol BAQ ókilderimen bolǵan kezdesýi kezinde taǵy da.

Bul áńgime jaqynda Lıtva memleketi Reseı men onyń batystaǵy bóligi - Kalınıngrad oblysynyń bir-birimen qarym-qatynas jolyn jaýyp tastamaq bolyp, aıbat shekkkennen keıin shyǵyp otyr.