Aleksandr Lýkashenko el prezıdenti qyzmetine resmı kiristi
ASTANA. 22 qańtar. QazAqparat - Belarýs Respýblıkasynyń Prezıdenti Aleksandr Lýkashenko qyzmetine resmı kiristi. Belarýs memleketiniń basshysy juma kúni Ant qabyldady jáne belarýs halqyna qyzmet etýge sert berdi, dep habarlady «RIA «Novostı» agenttigi.
El prezıdentin ulyqtaý rásimi belarýs televıdenıesiniń barlyq arnalary boıynsha kórsetildi.
Lýkashenko 2010 jyly 19 qarashada ótken saılaýda taǵy da kezekti besjyldyq merzimge prezıdent bolyp saılanǵan bolatyn. Oǵan daýys berýge qatysqan halyqtyń 79,65 paıyzy daýys bergen. Belarýs Ortalyq saılaý komıssııasynyń resmı málimeti boıynsha, prezıdenttik saılaýǵa elektorattyń 90,65 paıyzy qatysqan.
