Aleksandr Lýkashenko EQYU Sammıtine qatysý úshin Qazaqstanǵa attandy
ASTANA. 30 qarasha. QazAqparat - Belarýs Prezıdenti Aleksandr Lýkashenko 1-2 jeltoqsan kúnderi Astanada ótetin Eýropadaǵy qaýipsizdik jáne yntymaqtastyq uıymynyń sammıtine qatysý úshin Qazaqstanǵa jumys saparymen attandy.
Bul týraly Belarýs Prezıdentiniń baspasóz qyzmetine silteme jasaǵan BELTA agenttigi habarlap otyr.
Belarýs Prezıdenti sammıttiń jalpy otyrysynda sóz sóıleıdi dep kútilýde.
Belarýs úshin EQYU eýroatlantıkalyq aımaqtaǵy qaýipsizdiktiń ózekti máselelerin talqylaý úshin jáne jalpyeýropalyq úderister aıasyndaǵy syrtqy saıası múddelerdiń alǵa jyljylýyn talqylaý úshin óte mańyzdy forým bolyp tabylady. Belarýs 1992 jyldyń 30 qańtarynan bastap EQYU-nyń tolyq quqyly múshesi atanǵan. Qazirgi tańda EQYU Belarýstyń negizgi eýropalyq uıymdar jáne eldermen qarym-qatynasyn damytýda erekshe oryn alady.
