Aleksandr Lýkashenko belarýs sheneýnikterine quny 25 myń eýrodan asatyn jeńil kólikterdi satyp alýǵa tyıym saldy
ASTANA. 14 naýryz. QazAqparat - Belarýs prezıdenti Aleksandr Lýkashenko qyzmettik jeńil kólikterdi satyp alýdy retteý týraly jarlyqqa qol qoıdy. Ol boıynsha endi budan bylaı memlekettik mekemeler tek 25 myń eýrodan tómen turatyn avtokólikterdi satyp ala alady.
Bul týraly InoSMI.Ru portaly jergilikti «Belorýsskıı partızan» saıtyna silteme jasap habarlady.
«Memlekettik organdar, jarǵylyq qorynyń 50 paıyz aktsııasy memleket menshiginde bolyp tabylatyn sharýashylyq qoǵamdar men memlekettik zańdy tulǵalar, sonymen qatar aýyl sharýashylyq uıymdary satyp alatyn qyzmettik kóliktiń quny kedendik salyqpen qosa alǵanda 25 myń eýroǵa teń qarajattan aspaýy tıis», - dep málim etti Belarýs basshysynyń baspasóz qyzmeti.
Atalmysh jarlyqty buzǵan sheneýnikke nemese zańdy tulǵaǵa 100 mln. belarýs rýbline deıin ákimshilik aıyppul salynady.
