Aleksandr Lebzıak: Rıoda Reseı boksshylary úshin Qazaqstan - basty qarsylas
ASTANA. QazAqparat - Bokstan Reseı quramasynyń bas bapkeri Aleksandr Lebzıak Rıo olımpıadasyna qatysty óz pikirin bildirdi.
- Biz eshkimnen qoryqpaımyz, biraq qaýiptenemiz. Kýbalyqtar, qazaqtar, ózbekter, pýerto-rıkolyqtar bar. Sońǵy jylda álemde boks qarqyndy damyp keledi. Olımpıadaǵa Qazaqstan, Ýkraına jáne Kýbadan baratyn boksshylardyń barlyǵy medal alýǵa múmkindigi bar. Biz olımpıada kezinde úzdik úshtikke enýge tyrysamyz, - dedi reseılik maman.
Myrzaǵalı Aıtjanov baptaıtyn Qazaqstan quramasy tarıhta alǵash ret olımpıadaǵa on joldama aldy.
Aıtjanov Qazaqstan quramasy olımpıadaǵa deıin birneshe halyqaralyq jarysqa qatysatynyn aıtty, dep habarlaıdy alaman.kz.
