Aleksandr Kosachev Taldyqorǵan bórisi atandy
TALDYQORǴAN. QazAqparat - Taldyqorǵanda qala ákiminiń júldesi úshin qazaq kúresinen «Taldyqorǵan bórisi» týrnıri aıaqtaldy, dep habarlaıdy QazAqparat tilshisi.
Oblystyq «Jetisý bórisi» týrnırine 2 joldama oınatylatyn bul básekege 20 balýan qatysty. Olardyń qatarynda tuńǵysh Qazaqstan Barysy Ulan Rysqul, «Jetisý bórisi» týrnıriniń jeńimpazdary Jánibek Dúısembaev pen Aleksandr Kosachev ta bar. Buǵan deıingi týrnırlerde qarsylas shaq keltirmegen Jánibek Dúısembaev úshinshi oryn úshin bolǵan beldesýde Nursultan Amanjolulynan utylyp qaldy. Ulan Rysqul men Aleksandr Kosachev qarsylastarynyń bárin jeńip, aqtyq synda beldesti. Biraq Ulan Rysqul jartylaı fınalda alǵan jaraqatynyń syr berýine baılanysty jarysty jalǵastyra almaı qaldy. Osylaısha Aleksandr Kosachev týrnır jeńimpazy atandy. Degenmen jeńimpaz eki balýan eki aptadan keıin oblystyq «Jetisý bórisi» týrnırinde «Qazaqstan barysyna» joldama alý úshin kúsh synasady.
