Aleksandr Kerjakov «Qaırat» komandasy bas bapkeri qyzmetinen ketti

ASTANA. KAZINFORM - Reseılik maman Aleksandr Kerjakov «Qaırat» komandasy bas bapkeri qyzmetinen ketti.

Komandanyń baspasóz qyzmeti kelisimshart eki taraptyń ózara kelisimi boıynsha buzylǵanyn habarlady. Onymen birge onyń kómekshileri Vladımır Kazakov pen Rýslan Adjındjal da klýbtan ketedi.

Aleksandr Kerjakov «Qaırat» komandasyna mamyr aıynyń sońyndakeldi. Onyń jetekshiligimen komanda 12 match 6 ret jeńiske jetip, 3 ret teń tússe, 3 ret qarsylasyna ese jiberdi.

Aleksandr Kerjakov Reseı fýtbolynyń (233 gol), sankt-peterborlyq «Zenıttiń» (161 gol), Reseı quramasynyń (30 gol) tarıhyndaǵy úzdik surmergeni atanǵan.

Oıynshy retinde «Zenıtten» bólek ıspanııalyq «Sevılıa», shveıtsarııalyq «Tsıýrıh» pen Reseıdiń «Dınamo» (Máskeý) komandalarynda oınaǵan.

ÝEFA, Ispanııa kýbogy men sýperkýbogynyń, Shveıtsarııa Kýbogynyń ıegeri. 

Aleksandr bapkerlik mansabyn 2017 jyly «Zenıt» fýtbol klýby akademııasynda bastady. 2018-2020 jyldar aralyǵynda Reseıdiń 17, 18, 19 jasqa deıingi jasóspirimder quramalaryn jattyqtyrǵan. Sondaı-aq, ol reseılik «Tom» jáne «Nıjnıı Novgorod», kıprlik «Karmıotıssa» men serbııalyq «Spartak» Sýbotıtsa fýtbol klýbtaryn baptaǵan.

Eske salsaq, budan buryn Dmıtrıı Parfenov «Aqtóbe» fýtbol klýbynyń bas bapkeri qyzmetinen ketti.