Aleksandr Gerlıts parabıatlonnan álem kýbogynda qola júldeger boldy

ASTANA. QazAqparat - Aleksandr Gerlıts parabıatlonnan Álem kýbogynda qola júldege ıe boldy, dep habarlaıdy QazAqparat.

Búgin Álem kýbogynyń birinshi kezeńinde qazaqstandyq sportshy Aleksandr Gerlıts parabıatlonnan 12,5 shaqyrym qashyqtyqty 43 mınýt 59 sekýndta baǵyndyryp, qola júldege ıe boldy.

Jarysta kanadalyq sportshy Arendz Mark osy qashyqtyqty 39 mınýt 20 sekýndta júrip ótip, birinshi orynǵa ıe boldy.

Al ekinshi orynǵa 41.22 nátıjesimen ýkraınalyq sportshy Gregorıı Vovchýnskıı jaıǵasty.

Aıta ketsek, parashańǵy men parabıatlonnan Álem kýbogy úsh kezeńde ótedi.

Alǵashqy kezeń Fınlıandııanyń Výokattı qalasynda 7-19 jeltoqsan aralyǵynda ótip jatyr.

Ekinshi kezeń AQSh-ta, úshinshi kezeń Japonııada uıymdastyrylady dep josparlanǵan.

Álem kýbogy kezeńderiniń nátıjesi boıynsha úzdik sportshylar 2026 jyly ótetin qysqy Paralımpıada oıyndaryna joldama alady.