Aleksandr Famıltsev fýtboldan jasóspirimder quramasyn jattyqtyrady
ASTANA. QazAqparat - Fýtboldan elimizdiń 19 jasqa deıingi jasóspirimder quramasynyń aǵa bapkeri bolyp 43 jastaǵy Aleksandr Famıltsev taǵaıyndaldy, dep habarlaıdy QazAqparat tilshisi Qazaqstan fýtbol federatsııasyna silteme jasap.
Qazaqstandyq jankúıerler Aleksandr Famıltsevtiń «Ertis» (Pavlodar), «Lokomotıv» (Nıjnıı Novgorod, Reseı), «Aksess-Esil» (Petropavl), «Torpedo» (Máskeý, Reseı), «Tom» (Tomsk, Reseı), «Tobyl» (Qostanaı), «Aqtóbe», «Sahalın» (Ońtústik Sahalın, Reseı) komandalarynda oıyn kórsetkenin jaqsy biledi. Ol Qazaqstan quramasynda 35 match oıynda bir gol soqqan.
Sońǵy jyldary A. Famıltsev reseılik «Tom» fýtbol klýbynyń bapkerler quramynda boldy. Oǵan Igor Svechnıkov pen Rafael Orazbahtın kómektesedi. Bul mamandar elimizdiń birqatar klýbtarynda jemisti qyzmet atqardy.
Esterińizge sala ketelik, budan buryn 21 jasqa deıingi Qazaqstan jastar jáne 17 jasqa deıingi Qazaqstan jasóspirimder quramalaryna bapkerler taǵaıyndalǵanyn habarlaǵan edik.
