Aleksandr Býblıktiń Gonkong týrnırindegi yqtımal qarsylasy anyqtaldy

ASTANA. KAZINFORM — Gonkongte 5-10 qańtar aralyǵynda tennısten ótetin ATP 250 týrnıriniń jerebesi tartyldy.

Dúnıejúzilik reıtıngide 11-orynda turǵan qazaqstandyq Aleksandr Býblık jańa jyldyń alǵashqy jarysynda 2-raketka bolyp tirkelgen.

Ekinshi aınalymnan bastaıtyn A.Býblık reıtıngide 77-oryndaǵy nıderlandylyq Botık van de Zandshýlp nemese irikteý saıysy jeńimpazdarynyń birimen sheberlik baıqasady.

Atalmysh dodada sondaı-aq ıtalııalyq Lorentso Mýzettı, reseılikter Andreı Rýblev, Karen Hachanov syndy tennısshiler óner kórsetedi.

Taǵy bir qazaqstandyq, reıtıngide 97-oryndaǵy Aleksandr Shevchenko Brısben (Aýstralııa) ATP 250 týrnıri irikteý saıysynyń jartylaı fınalynda álemniń 85-raketkasy, belgııalyq Rafael Kollınonǵa ese jiberdi – 5:7, 4:6.

Eske sala keteıik, budan buryn Elena Rybakına qatysatyn Brısben týrnıriniń jerebesi tartylǵanyn jazǵan edik.

Sondaı-aq Arýjan Saǵyndyqova Úndistandaǵy týrnırde top jardy.