Aleksandr Býblıktiń Paris Masters týrnırindegi qarsylasy anyqtaldy

ASTANA. QazAqparat – Qazaqstannyń birinshi, álemniń 38-raketkasy Aleksandr Býblıktiń Parıj masters týrnırindegi qarsylasy anyqtaldy, dep habarlaıdy QazAqparat tilshisi.

Qazaqstandyq tennısshi alǵashqy aınalymda dúnıejúzilik reıtıngide 76-orynda turǵan shvetsııalyq Mıkael Imermen sheberlik baıqasady.

M.Imer irikteý saıystarynan keıin negizgi týrnırge joldama aldy.

A.Býblık pen M.Imerdiń qaı jeńgeni ekinshi aınalymda álemniń 9-raketkasy, kanadalyq Felıks Oje-Alıassımmen kortqa shyǵady. Ótken aptada Bazel (Shveıtsarııa) ATP 500 týrnıriniń shırek fınalynda A.Býblık osy tennısshige jol bergen edi. Keshe kanadalyq sportshy atalmysh dodanyń chempıony atandy.

Parıj masters jarysy 31 qazanda bastalyp, 6 qarashada aıaqtalady.

Eske sala keteıik, budan buryn qazaqstandyq tennısshi qatysatyn WTA qorytyndy týrnıriniń jerebesi tartylǵanyn jazǵan bolatynbyz.