Aleksandr Býblıktiń Monte-Karlo masters týrnırindegi qarsylasy anyqtaldy
ASTANA. QazAqparat – Qazaqstannyń birinshi, álemniń 56-raketkasy Aleksandr Býblıktiń Monte-Karlo masters týrnırindegi qarsylasy anyqtaldy, dep habarlaıdy QazAqparat tilshisi.
Topyraq tósenishindegi atalmysh jarys 8-16 sáýir aralyǵynda ótedi.
Týrnırdiń resmı saıtynan alynǵan málimetke qaraǵanda, A.Býblık alǵashqy aınalymda álemniń 16-raketkasy, germanııalyq Aleksandr Zverevpen sheberlik baıqasady.
«Úlken dýlyǵa» týrnıriniń 22 dúrkin chempıony, serbııalyq Novak Djokovıch dodanyń birinshi, grekııalyq Stefanos Tsıtsıpas ekinshi raketkasy bolyp tirkelgen. Sondaı-aq jarysta reseılikter Danııl Medvedev (3), Andreı Rýblev (5), Karen Hachanov (9), norvegııalyq Kasper Rýýd (4), danııalyq Holger Rýne (6), ıtalııalyq ıAnnık Sınner (7), amerıkalyq Teılor Frıtts (8), Polsha ókili Hýbert Hýrkach (10) jáne basqalar baq synaıdy.
Ótken jyly Monte-Karloda Stefanos Tsıtsıpas úzdik shyqqan edi.
Eske sala keteıik, budan buryn Mıhaıl Kýkýshkınniń Ispanııadaǵy jarystyń jartylaı fınalyna óte almaǵanyn jazǵan bolatynbyz.
