Aleksandr Býblıktiń Monreal masters týrnırindegi qarsylasy anyqtaldy
NUR-SULTAN. QazAqparat – Qazaqstannyń birinshi, álemniń 42-raketkasy Aleksandr Býblıktiń Monreal (Kanada) masters týrnırindegi qarsylasy anyqtaldy, dep habarlaıdy QazAqparat tilshisi.
Qazaqstandyq tennısshi alǵashqy aınalymda dúnıejúzilik reıtıngte 37-orynda turǵan amerıkalyq Djenson Brýksbımen sheberlik baıqasady.
Hard tósenishindegi masters jarysy 7-14 tamyz aralyǵynda ótedi. Alǵashqy segiz tennısshi bolyp tirkelgen oıynshylar dodany ekinshi aınalymnan bastaıdy.
Álemniń birinshi raketkasy, Monreal týrnıriniń ótken jylǵy chempıony Danııl Medvedev ekinshi aınalymda aýstralııalyq Nık Kıros nemese argentınalyq Sebastıan Baestiń qaı jeńgenimen kezdesedi.
Sondaı-aq 7-14 tamyz aralyǵynda ótetin Toronto WTA 1000 (Kanada) dodasynda óner kórsetetin taǵy bir qazaqstandyq, álemniń 42-raketkasy ıÝlııa Pýtıntsevanyń da qarsylasy belgili boldy. Ol alǵashqy aınalymda reıtıngte 296-satydaǵy kanadalyq Ketrın Sebovti synap kóredi.
Eske sala keteıik, budan buryn tennısten Qazaqstan jasóspirimder quramasynyń qola júldege talasatynyn jazǵan bolatynbyz.
Foto: olympic.kz
