Aleksandr Býblık juptyq synda Doha týrnıriniń shırek fınalyna shyqty
NUR-SULTAN. QazAqparat – Qazaqstannyń birinshi, álemniń 31-raketkasy Aleksandr Býblık juptyq synda Doha ATP 250 týrnıriniń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi majarstandyq Marton Fýchovıchpen birge bastapqy kezdesýin osy jarystyń 2-raketkalary, horvatııalyq Ivan Dodıg – jańazelandııalyq Maıkl Vınýspen ótkizdi.
A.Býblık pen M.Fýchovıch 7:6 (7:4), 6:3 esebimen jeńiske jetti.
Olar 1 saǵat 18 mınýtqa sozylǵan báseke barysynda 2 eıs jasap, 8 breık-poınttyń úsheýin óz esepterine jazdy.
Qarsylastary 2 eıs, 2 breıkten (7 breık-poınt) asa almady.
Qazaqstandyq-majarstandyq juptyń shırek fınaldaǵy qarsylasy keıin anyqtalady.
A.Býblık Doha jarysynda jekeleı synda da kortqa shyǵady.
Onyń birinshi qarsylasy – negizgi týrnırge irikteý saıystarynan keıin qosylǵan, dúnıejúzilik reıtıngte 183-orynda turǵan slovakııalyq Iozef Kovalık.
Eske sala keteıik, budan buryn Mıhaıl Kýkýshkınniń Marselde negizgi týrnırge joldama alǵanyn jazǵan bolatynbyz.
