Aleksandr Býblık juptyq synda Rım masters týrnıriniń jartylaı fınalyna ótti

ASTANA. KAZINFORM – Qazaqstandyq Aleksandr Býblık juptyq synda Rım masters týrnıriniń jartylaı fınalyna ótti.

Qazaqstandyq tennısshi amerıkalyq Ben Sheltonmen birge shırek fınalda argentınalyqtar Frantsısko Serýndolo – Tomas Martın Etcheverrımen sheberlik baıqasty.

Birinshi sette argentınalyq dýet bet qaratpady – 6:1. Ekinshisinde Býblık – Shelton ese qaıyrdy – 6:4. Sodan keıin sýper taı-breıkte jeńisti julyp aldy – 10:5.

Bir saǵattan astam ýaqytqa sozylǵan báseke barysynda qazaqstandyq-amerıkalyq jup 1 breıkpen kózge tústi. Argentınalyqtar breık sanyn 3-ke (10 breık-poınt) jetkizdi.

Osylaısha, Rım masters týrnırinde jekeleı synda jarysty erte aıaqtaǵan A.Býblık B.Sheltonmen birge jartylaı fınalǵa joldama aldy. Olardyń kelesi qarsylastary keıin anyqtalady.

Eske sala keteıik, budan buryn Zarına Dııastyń Japonııadaǵy jarysty jeńispen bastaǵanyn jazǵan bolatynbyz.

Sondaı-aq Jibek Qulambaeva Horvatııadaǵy týrnırdiń shırek fınalyna shyqty.