Aleksandr Býblık juptyq synda Madrıd týrnıriniń ekinshi aınalymyna shyqty
ASTANA. KAZINFORM — Qazaqstandyq tennısshi Aleksandr Býblık juptyq synda Madrıd masters týrnırin jeńispen bastady.
Qazaqstandyq sportshy aýstralııalyq Mark Polmanspen birge alǵashqy aınalymda brazılııalyqtar Orlando Lýj – Rafael Matosqa qarsy keldi.
Býblık – Polmans matchty sátti bastady – 6:3. Ekinshi sette brazılııalyq jup taı-breıkte ese qaıyrdy – 7:6 (7:4).
Sýper taı-breıkte qazaqstandyq-aýstralııalyq dýet jeńisti julyp aldy – 10:6. Bir saǵat 33 mınýtqa sozylǵan básekede ekeýi 6 eıspen birge 4 breık-poınttyń bireýin paıdalandy.
Aleksandr Býblık – Mark Polmans shırek fınalǵa shyǵý úshin salvadorlyq Marselo Arevalo – horvatııalyq Mate Pavıchpen talasady.
Álemniń 11-raketkasy A.Býblıktiń Madrıd kortynda jekeleı syndaǵy joly sátti bolǵan joq.
Qazaqstandyq sportshy ekinshi aınalymda álemniń 80-raketkasy, grekııalyq Stefanos Tsıtsıpastan jeńilip qaldy – 2:6, 5:7.
Taǵy bir qazaqstandyq tennısshi, álemniń 300-raketkasy Beıbit Juqaev Tszıýtszıan (Qytaı) chellendjer týrnıri irikteý saıysynyń jartylaı fınalynda reıtıngide 552-oryndaǵy japonııalyq ıÝsýke Takahasıge jol berdi – 6:7 (7:9), 7:6 (7:4), 2:6.
Eske sala keteıik, budan buryn 15 jasar Ańsar Nıetqalıevtiń Qytaıdaǵy týrnırdiń fınalyna deıin jetkenin jazǵan bolatynbyz.
Sondaı-aq Jibek Qulambaeva Qytaıdaǵy chellendjer jarysyn jeńispen bastady.
