Aleksandr Býblık juptyq synda Dýbaı týrnıriniń shırek fınalyna shyqty

ASTANA. KAZINFORM — Qazaqstandyq tennısshi Aleksandr Býblık juptyq synda Dýbaı ATR 500 týrnırin jeńispen bastady.

A.Býblık qytaılyq Tszıýchjen Shanmen birge alǵashqy aınalymda taıbeılik Reı Ho — germanııalyq Hendrık Iebenske tap keldi.

Birinshi partııada taıbeılik-germanııalyq dýet eptilik tanytty — 6:4.

Ekinshi sette Býblık — Shan dál sondaı eseppen ese qaıyrdy — 6:4. Sodan keıin sýper taı-breıkte jeńisti julyp aldy — 12:10.

Bir saǵat 12 mınýtqa sozylǵan básekede qazaqstandyq-qytaılyq jup 8 eıspen birge 1 breık-poıntty paıdalana bildi. Ho — Iebens 9 eıs, 1 breıkpen (6 breık-poınt) erekshelendi.

A.Býblık — Ts.Shannyń shırek fınaldaǵy qarsylastary keıin belgili bolady.

Qazaqstandyq tennısshi osy dodada jekeleı synda 2-raketka retinde tirkelgen. Onyń bastapqy qarsylasy — germanııalyq ıAn-Lennard Shtrýff.

Eske sala keteıik, budan buryn Anna Danılınanyń álemdik reıtıngide óziniń rekordyn qaıta jańartqanyn jazǵan edik.