Aleksandr Býblık juptyq synda Beıjiń týrnıriniń shırek fınalyna shyqty

Qazaqstandyq tennısshi qytaılyq Tszıýnchen Shanmen birge alǵashqy aınalymda argentınalyq Fransısko Serýndolo – frantsııalyq Artýr Rınderkneshpen sheberlik baıqasty.

Birinshi partııada argentınalyq-frantsııalyq jup 6:3 esebimen basymdylyq tanytty. Ekinshi sette qazaqstandyq-qytaılyq dýet qarymta qaıyrdy – 6:4. Sodan keıin sýper taı-breıkte jeńisti julyp aldy – 10:7.

Bir saǵat 15 mınýtqa sozylǵan básekede Býblık – Shan 2 eıspen birge 1 breık-poıntty paıdalana bildi. Serýndolo – Rınderknesh 1 eıs, 2 breıkpen (9 breık-poınt) kózge tústi. 
Qazaqstandyq-qytaılyq juptyń shırek fınaldaǵy qarsylastary keıin anyqtalady.

Álemdik reıtıngide 20-oryndaǵy Aleksandr Býblık jekeleı synda da óner kórsetedi. Ol alǵashqy aınalymda álemniń 14-raketkasy, chehııalyq ıAkýb Menshıkpen kezdesedi. Bul match 1 qazanǵa belgilengen. 

Eske sala keteıik, budan buryn Elena Rybakınanyń Beıjińdegi jarysta upaı qoryn tolyqtyra ala ma, sony jazǵan edik.