Aleksandr Býblık Jenevadaǵy týrnırdiń shırek fınalyna shyqty
ASTANA. KAZINFORM — Jekeleı synda Qazaqstannyń birinshi raketkasy Aleksandr Býblık Shveıtsarııada ótip jatqan topyraq kortyndaǵy ATP 250 týrnırin sátti bastady. Bul týraly QTF baspasóz qyzmeti málim etti.
Ekinshi aınalymda álemdik reıtıngte 10-orynda turǵan ulttyq qurama kóshbasshysy lıtvalyq Edas Býtvılaspen (№253 ATP) sheberlik baıqasty. Tennısshilerdiń ózara alǵashqy kezdesýi eki sette 6:4, 6:3 esebimen otandasymyzdyń paıdasyna aıaqtaldy. Korttaǵy teketires 1 saǵat 20 mınýtqa sozyldy.
Endi Jenevadaǵy jarystyń jartylaı fınalyna shyǵý úshin Býblık frantsııalyq Artýr Rınderknehpen kúsh synasady.
Eske sala keteıik, Rımdegi Masters týrnırinen keıin Aleksandr Býblık jekeleı synda álemniń eń úzdik 10 tennısshisiniń qataryna qaıta oralǵan bolatyn.
Aıta keteıik, kásibı tennısshiler qaýymdastyǵy (ATP) jarııa etken álemdik reıtıngide qazaqstandyq sportshylardyń oryndary anyqtaldy. Qazaqstannyń birinshi raketkasy Aleksandr Býblık 11-den 10-satyǵa kóterilip, óziniń úzdik kórsetkishin qaıtalady.
