Aleksandr Býblık jekeleı synda Dýbaı týrnıriniń ekinshi aınalymyna ótti

ASTANA. KAZINFORM — Qazaqstannyń birinshi, álemniń 10-raketkasy Aleksandr Býblık jekeleı synda Dýbaı ATR 500 týrnırin jeńispen bastady.

Jarystyń 2-raketkasy bolyp tirkelgen qazaqstandyq tennısshi bastapqy kezdesýin álemdik reıtıngide 80-orynda turǵan germanııalyq ıAn-Lennard Shtrýfpen ótkizdi.

Germanııalyq sportshy A.Býblık úshin qolaısyz qarsylas bolyp esepteledi. Osyǵan deıin ekeýi ózara bes ret kezdesse, sonyń úsheýinde tájirıbeli Shtrýff utqan.

Degenmen bir aı buryn Aleksandr Rotterdam (Nıderland) ATP 500 jarysynda 7:6 (7:2), 4:6, 6:3 esebimen jeńgen edi. 

Bul joly Býblık matchty eki sette tyndyra aldy — 6:3, 6:4.

Bir saǵattan sál astam ýaqytqa sozylǵan básekede Býblık 12 eıs jasap, 3 breık-poınttan shashaý shyǵarǵan joq. Shtrýff 9 eıspen shekteldi.

Aleksandr Býblık ekinshi aınalymda álemniń 25-raketkasy, nıderlandylyq Tallon Grıkspýr nemese reıtıngide 131-satydaǵy fınlıandııalyq Otto Vırtanenniń qaı jeńgenimen kezdesedi.

Eske sala keteıik, budan buryn Aleksandr Býblıktiń juptyq synda Dýbaı týrnıriniń shırek fınalyna shyqqanyn jazǵan edik