Aleksandr Býblık jańa jyldaǵy bastapqy jarysyn Gonkongten bastaıdy

ASTANA. KAZINFORM – Aldaǵy jyly 5-11 qańtarda ótetin Gonkong ATP 250 týrnırine qatysatyn tennısshilerdiń tizimi jarııalandy.

Qazaqstannyń birinshi, álemniń 11-raketkasy Aleksandr Býblık atalmysh jarysta baq synaıdy.
Bul Býblıktiń 2026 jyldaǵy birinshi jarysy bolmaq. 

Gonkongte sondaı-aq ıtalııalyq tennısshi, álemniń 8-raketkasy Lorentso Mýzettı, reseılikter, reıtıngide 16-satydaǵy Andreı Rýblev, Karen Hachanov (18-oryn) jáne basqa da tennısshiler dodaǵa qosylady.

Osy merzimde Aýstralııada erler arasynda Brısben ATP 250 týrnıri de ótedi. 

Bıyl Býblık Galle (Germanııa), Gshtaad (Shveıtsarııa), Kıtsbıýel (Aýstrııa) jáne Hanchjoý (Qytaı) jarystarynda úzdik shyqqan bolatyn.

Eske sala keteıik, budan buryn Elena Rybakınanyń jańa jylda qatysatyn alǵashqy týrnıri anyqtalǵanyn jazǵan edik.