Aleksandr Býblık Jańa Zelandııadaǵy jarysta baq synaıdy

ASTANA. QazAqparat – Qazaqstannyń birinshi, álemniń 37-raketkasy Aleksandr Býblık Oklend (Jańa Zelandııaıa) ATR 250 týrnırinde baq synaıdy, dep habarlaıdy QazAqparat tilshisi.

Qazaqstandyq tennısshi 9 qańtar kúni alǵashqy aınalymda dúnıejúzilik reıtıngide 53-orynda turǵan belgııalyq Davıd Goffenmen sheberlik baıqasady. A. Býblık sonymen qatar, aýstralııalyq Djon Smıtpen birge juptyq synda da óner kórsetedi.

Jarys 14 qańtar kúni márege jetedi. Bul 16 qańtar kúni bastalatyn Aýstralııa ashyq chempıonaty aldyndaǵy sońǵy daıyndyq bolmaq.

Qazaqstannyń áıelder arasyndaǵy birinshi, álemniń 21-raketkasy Elena Rybakına Adelaıda-2 (Aýstralııa) WTA 500 týrnırinde jekeleı synda chehııalyq Petra Kvıtovamen kezdesedi. Elena juptyq synda reseılik Anastasııa Pavlıýchenkovamen birge oınaıdy.

Qazaqstannyń juptyq syndaǵy birinshi, álemniń 11-raketkasy Anna Danılına úndistandyq Sanıa Mırzamen birge Adelaıdada jarystyń kóshbasshysy bolyp tirkelgen chehııalyq Barbora Kreıchıkova - aýstralııalyq Storm Hantermen ózara myqtyny anyqtaıdy.

Qazaqstannyń basqa da tennısshileri aldaǵy aptada baq synamaqshy.

Eske sala keteıik, budan buryn ıÝlııa Pýtıntsevanyń Hobart týrnırindegi qarsylasy anyqtalǵanyn jazǵan bolatynbyz.

Foto: ktf.kz