Aleksandr Býblık Ýımbldonda álemniń 21-raketkasyn utyp, úshinshi aınalymǵa ótti
NUR-SULTAN. QazAqparat – Qazaqstannyń birinshi, álemniń 38-raketkasy Aleksandr Býblık Ýımbldon týrnıriniń úshinshi aınalymyna shyqty, dep habarlaıdy QazAqparat tilshisi.
Býblık ekinshi aınalymda álemniń 21-inshi, osy «Úlken dýlyǵa» jarysynyń 18-raketkasy, bolgarııalyq Grıgor Dımıtrovpen sheberlik baıqasty.
Buǵan deıin qarsylastar 2019 jyly Chendý jarysynda kezdesip, onda qazaqstandyq tennısshi jeńiske jetken edi.
Bul joly da A.Býblık senimdi oınap, ataqty qarsylasyn 6:4, 7:6 (8:6), 7:6 (7:4) esebimen tize búktirdi.
Tartysty ótken báseke 2 saǵat 26 mınýtqa sozyldy.
Match barysynda A.Býblık 34 eıs jasap, 6 breık-poınttyń bireýin paıdalana bildi. Bolgarııalyq sportshy 4 eıs jasap, 5 breık-poınttyń birde-bireýin júzege asyra almady.
Budan buryn A.Býblık Ýımbldon týrnırine eki ret qatysyp, alǵashqy aınalymnan asa almaǵan edi.
Qazaqstandyq tennısshi tórtinshi aınalymǵa shyǵý úshin álemniń 18-inshi, jarystyń 14-raketkasy, Polsha ókili Hýbert Hýrkach nemese reıtıngte 66-satydaǵy amerıkalyq Markos Gıronnyń bireýimen talasady.
2019 jyly Ýımbldonda serbııalyq Novak Djokovıch chempıon atanǵan edi. Ótken jyly doda pandemııaǵa baılanysty ótken joq. Bıylǵy jeńimpaz 1,7 mln fýnt sterlıng tabady.
Eske sala keteıik, budan buryn Elena Rybakınanyń Ýıımbldon týrnırinde úshinshi aınalymǵa ótkenin jáne ıÝlııa Pýtıntsevanyń úshinshi aınalymǵa shyǵa almaǵanyn jazǵan bolatynbyz.
Esesine Zarına Dııas juptyq synda Ýımbldon týrnırin sátti bastady.
